دولة عرب نت

الكنترول

اذهب الى الأسفل

default الكنترول

مُساهمة من طرف shabanah2007 في الأربعاء فبراير 24, 2010 8:22 am

كنترول باص
من نكشات العبقري زيد أبو قراد
بقلم: صالح صلاح شبانة
Shabanah2007@yahoo.com
يا جماعة الخير ، السلام عليكم ورحمة الله وبركاته ،
هذا يا جماعة الخير أنا طول عمري وانا بتمنى أصير كنترول باص ، لأنه الكنترول حلم ، وهذي مهنه فيها (أكشن)، مثل أفلام هوليود ، والكنترول ببقى الزعيم القوي في الباص ، وطول عمري معجب فيه ، كيف بحفظ الطريق وكل خواصها ، فبتلاقيه يسأل الركاب : مين نازل على الدرج ، القهوه ، المطب ، المخبز ، الصبه خضرا ، المقبره ، الكراج ، البنشرجي ، الدايه ام حسين ، زقاق العميان ، زقة رودح ، ....الخ!!
وبتمرق من عند الدرج كون ما تلاقي درج ، شايلنه من عشرين سنه ،والقهوة بتلاقي محلها بياع جاج وريحة ها لنتافات لأبو موزه ، والمطب مشيول من عشر سنين وتلاقي محله دائره حكوميه مش قادره توخذ شهرته ، والمخبز بتلاقي محله مجمع تجاري ، والصبه خضرا نشفت من زمان وصارت امنقوَرَه وحال الويل حالها ، والمقبره شالوها من عشرين سنه وعملوا محلها غرزة تحشيش ، والكراج صار وكالة سيارات ، والبنشرجي بنشر من زمان وصار محله صالون نسوان ، بتفوت الوحده بوجه عكر بسد النفس ، بتطلع جورجينا رزق ايام عرش الجمال ، والدايه ام حسين ماتت من عشرين سنه وعظامها صارن مكاحل ،وزقاق العميان صار دوار تعالوا وتفرجوا ، وزقة رودح صاير فيها مجمع إسكاني كل شققه سوبر ديلوكس ،...وهلم جرّا ...!!!
وبتسأل : ليش ما تتطوروا مع تغيير الأسماء ، وتجاروا الحديث ؟؟
كون يقولك : الناس ما عندهم استعداد للتغيير ..وهذا الأشي اللي مش قادره الحكومات تستوعبه لمّا تغير القديم بجديد،والناس بظلوا متعلقين بالقديم وصعب ذاكرتهم تلغي ها لحكي!!
وللكنترول فضل كبير في حفظ ها لذاكره ...!!
المهم شو إلنا بطول ها لسيره ، أنا بدي أشتغل كنترول وبقيت أحلم في ها لمهنه من وانا ببو طفل ، بقيت بدي أطلع مع امي وأبوي الله يرحمهم من سنجل –لرام الله ، واستنينا لما مرق باص التميمي ، وركبنا اشي عَ الواقف واشي عَ القاعد وان غابت عنكم شوربه ...!!
وبقى واحد ينط من الباص قبل ما يوقف ويشعبط في الباص وهو ماشي ، وبلم مصاري من الناس ، وبتطلع في النسوان من غير ما حدا يزعل منه ، بالفعل شخصيه أسطوريه ما شفت من قبل مثلها ...!!!
ودارت الأيام ، ومرت الأيام على رأي زميلتي الحجه أم كلثوم الله يرحمها ، وشفت ها لإعلان عن طلب كنتروليه لشركه كبيره جخه من حالاتها ، وقلت لحالي ولبالي جابها الله واجتك يا زيد أبو قراد ،واروح على حمام في سقف السيل واخلي ها لبلان يتآجر فيّ ، نقع وفرك ومَعِك ، لمّا طلعت ألِسطه ، واروح مشخص ولابس اللي على الحبل ، وحالق لحيتي وجهين ، وكأني رايح أخطب عروس ، ومش رايح اشتغل كنترول ...!!!
رحت لقيت أمة لا اله إلا الله بدهم يشتغلوا ، ووجوه بتعوذ منها الشيطان بنفسه ...!!!
عاد أنا قعدت مؤدب وما شا لله حولي وحواليّ أستنا الدور...!!
ويييييييين ووين لما نادوا علي ، وأنط مثل القرد ، نطه ولاَّ أنا قدام اللجنه ..!!
اللجنه بتطلعوا علي باستغراب ، وكأنهم مش شايفين سحنه أخت ها لسحنه ، وبعد ما اتأملوا طلتي البهيه ، سألوني إذا أنا في المحل الصح ، ولاَّ غلطان في العنوان ، فأكدت اني بدي أشتغل كنترول باص، ضحكوا وواحد قال : هو اشلحلي هالجاكيت وفك عن رقبتك الربطه ، وقبل ما أنفذ قاللي الثاني : واشلح القميص برضه ..!!!
أنا الصحيح انصدمت من ها لحكي واستغربت ها لسلوك ، بس نفذت وبيني وبين نفسي لو طلبوا مني طلب ثاني بقيت بدي أرفض ...!!
بس تفاجئت بالأسئله مثل رشق المطر :
-وين الوشم اللي عليك..؟؟ ، قلت : ما فيش!!
-وين ضربات الشفرات اللي على جسمك؟؟ ، قلت : مافيش
- وين الوسخ اللي تحت أظافرك ؟؟ برضه ما فيش
-بتعرف اتصفر للركاب ؟؟ لأ طبعا
-بتعرف اذا أعطاك الواحد دينار تتخصم بريزه اتدُّق الباقي عليه ..؟؟؟ ، طبعا لأ
-بتعرف تنط وتنزل في الباص وهو ماشي ؟؟؟ آآآحّسسسن ، طبعا لأ
ونزلت ها لأسئله وانا ما عندي غير لأ لأ لأ ..!!
وما شفتهم الا صرخوا مع بعض : والله لألائه اتلألئ قلبك ، روح غور من وجهنا ، ضيعت وقتنا عً الفاضي ، وطلعت أجرجر ذيال الخيبه ، وبعدها صرت كل ما أطلع في الباص أصير أراقب في الكنترول ، واعترف اني بقيت وهمان ، لأني لقيته واحد تبع مشاكل ، بلطجي تبع كاس وطاس ، بطلع الشر من طقاطيق الأرض ، وبدفع عليه عربون ، اسمه المخيف ، والمرعب ..!!
وعلى شان هيذ في دراسات يلغوا ها لمهنه المزعجه الكريهه ، الا انه وللأمانه في ناس دايرين على رزقة عيالهم ، والمطلوب تنقيتها من الشوائب ، رغم انها مثل برارة الخضره ، وقراقرة القطين ، بدك تكب منها أكثر بكثير من اللي ممكن تستفيد منه..!!
وخاطركم مع السلامه...،
تقرأ بلهجة أهل سنجل
avatar
shabanah2007
عضو قيادي

ذكر
عدد الرسائل : 114
العمر : 64
المزاج : عالي والحمد لله
السٌّمعَة : 65
تاريخ التسجيل : 13/01/2009

الرجوع الى أعلى الصفحة اذهب الى الأسفل

default رد: الكنترول

مُساهمة من طرف انابيل في الأحد مارس 28, 2010 8:45 am

هههههههههههههههههههه
والله وصفت الكنترول بشكل ممتاز واكتر من ممتاز وانا رح ضيف على كلامك بعض اوصاف الكنترول متل ما انا بشوفها
عصبي وبصرخ وبخانق وكمان شوي بدو يضرب الركاب وصوته دايما عالي وبيرعد بس لما يشوف بنت بصير حنون ووديع متل الحمل
الكنترول رجل المهمات الصعبة اذا مرت دورية وكان الركاب كتار بالباص بسرعة بيأمر الركاب بالانبطاح على ارض الباص وبالصوت العالي بيصرخ وبقول كلكم انزلوا على الارض قرفصوا واذا لقي انه الرادار قريب بوقف الباص وبنزل كل يلي طالعين زيادة يالله ياشباب ما بدنا نتخالف الله يرضى عليكون انزلوا وطبعاً الاجرة بتروح على الركاب
الكنترول كمان منسق محترف لحنا قلنا انه في ناس بتكون واقفة بالباص كتير بس نسينا يلي على الكراسي المقعد يلي بيسع راكبين بحكمة الكنترول وادارته بصير بيسع اربع ركاب وغير يلي بكونوا قاعدين بالاحضان
الكنترول شخصية صاحبة كيف دايما بايده فنجان القهوة والسيجارة وما بيسمع الا لجورج وسوف ونجوى كرم
الكنترول شرطي سير فجأة بتلاقيه نزل وصار يمشي السيارات او يوقف كم سيارة مشان يجيب الراكب يلي على الرصيف التاني وكل هاد بيعمله بسرعة لا تتعدى الدقيقتان طبعا قبل ما باص البقعة صويلح يسبقه وياخد الركاب يلي واقفين على دوار الداخلية
الكنترول جابي الضرائب من المتعارف عليه انه الاجرة عنا بالاردن بارتفاع مستمر متل برميل النفط لكن لا تقبل الانخفاض وكل مرة بتكون تعرفة الاجرة شكل بجيك الكنترول عطينا الاجرة بتعطي 25 قرش بتلاقي عقد حاجبيه وصوته تغير وقال الاجرة زادت ياعمي قرشين ومدلك ايدو وشوي تانية بتصل ايده لرقبتك بتقوم بتناوله خمس قروش وهو هون بلف وجهه وبيمشي وبكمل لم الاجرة وبقول بصوت عالي يا شباب الاجرة زادت قرشين كل واحد يطلع قرشين زيادة وطبعاً ما بدنا نذكر الثلاث قروش لانها هي ضريبة الكنترول
بالنهاية منقدر كل ما تحمله الكلمة من معنا الكنترول هو حقاً المسيطر على جميع امور الباص والشارع
ونعتذر ان لم نوفي الكنترول حقه لكن هذا ما تمكنا من سرده فللكنترول ميزات وصفات كثرة يصعب حصرها بهذه الصفحات




_________________
نجمة المنتدي المميزة

بلادُ العُربِ أوطاني منَ الشّـامِ لبغدانِ
ومن نجدٍ إلى يَمَـنٍ إلى مِصـرَ فتطوانِ

فـلا حـدٌّ يباعدُنا ولا ديـنٌ يفـرّقنا
لسان الضَّادِ يجمعُنا بغـسَّانٍ وعـدنانِ

لنا مدنيّةُ سَـلفَـتْ سنُحييها وإنْ دُثرَتْ
ولو في وجهنا وقفتْ دهاةُ الإنسِ و الجانِ

فهبوا يا بني قومي إلى العـلياءِ بالعلمِ
و غنوا يا بني أمّي بلادُ العُربِ أوطاني
avatar
انابيل
Admin

انثى
عدد الرسائل : 2781
الاوسمة :
السٌّمعَة : 28
تاريخ التسجيل : 25/01/2008

الرجوع الى أعلى الصفحة اذهب الى الأسفل

default رد: الكنترول

مُساهمة من طرف shabanah2007 في الأحد مارس 28, 2010 11:49 am

أنت دائما رائعة يا أنابيل ، وبالنسبة انه يصبح وديعا امام الجنس الحلو اللطيف ، فهذا مدح للكنترول مع أني اظهرت كل مثالبه ، وأكملت أشياء لم أكن أعرفها ، أو تركتها للقراءة بين السطور ، وحتى اعتقدت أنك تقيمين معنا في الأردن ، مع أن ظني أنك سورية وتقيمين في الشام ، فأنت تعرفين دوار الداخلية وصويلح والبقعة ، وقد تعرفين الرميمين و أم الدنانير ، وقد تعرفين خوّ وحمره حمد ، وأنت ذات ثقافة أردنية عالية ، وهناك هوامش أخرى عن الكنترول ، ليس هو البطل الرسمي بها ، لكن له بطولة ظاهرة ، سأنشرها ان شاء الله في الدولة وأرجو أن تنال الإعجاب والرضى .. وكما ترين ليس الكنترول وحده حنون وعاطفي أمام الجنس اللطيف ، فقد حولته إلى شاعر رقيق ، ولم تبقِ لنا ما نقوله
لك تحية معطرة بباقي الأجرة التي اقتنصها الكنترول
وأراكِ على خير إن شاء الله تعالى
avatar
shabanah2007
عضو قيادي

ذكر
عدد الرسائل : 114
العمر : 64
المزاج : عالي والحمد لله
السٌّمعَة : 65
تاريخ التسجيل : 13/01/2009

الرجوع الى أعلى الصفحة اذهب الى الأسفل

default رد: الكنترول

مُساهمة من طرف انابيل في الإثنين مارس 29, 2010 4:43 am

شكراً لك يا استاذي فوحي قلمك الهم قلمي بعض الاحرف فاين انا من ادبك وعلمك المميز اعجبني كثيراً ما كتبت وبالذات انها تصف شخصية يكن لها المواطن الاردني بمشاعر مختلفة فمنهم من يود شتمه ومنهم من يود ضربه وكما ذكرتَ لا ننسى القلة القليلة من هؤلاء الكنترولية الذين يسعون للقمة عيشهم في النهاية نستنتج ان الكنترول هو اهم الشخوص في الشارع الاردني ان لم يكن البطل
نعم انا اقيم معكم في الاردن لذلك اعرف كل التفاصيل وقد درست هنا جميع مراحلي التعليمية تقريباً
بالنسبة للمناطق نعم اعرفها لكن بعض الاسماء التي ذكرتها في النهاية للاسف لا اعرفها اعرف جميع محافظات الاردن من الزرقاء الى جرش ومن عمان الى السلط واعرف كثير من القرى والاحياء الاردنية
واعرف ان المواطن الاردني بمختلف اصوله مواطن طيب جداً رغم جميع الضغوط التي يواجهها وهو مبتسم دائماً بعكس ما يقال عنه

_________________
نجمة المنتدي المميزة

بلادُ العُربِ أوطاني منَ الشّـامِ لبغدانِ
ومن نجدٍ إلى يَمَـنٍ إلى مِصـرَ فتطوانِ

فـلا حـدٌّ يباعدُنا ولا ديـنٌ يفـرّقنا
لسان الضَّادِ يجمعُنا بغـسَّانٍ وعـدنانِ

لنا مدنيّةُ سَـلفَـتْ سنُحييها وإنْ دُثرَتْ
ولو في وجهنا وقفتْ دهاةُ الإنسِ و الجانِ

فهبوا يا بني قومي إلى العـلياءِ بالعلمِ
و غنوا يا بني أمّي بلادُ العُربِ أوطاني
avatar
انابيل
Admin

انثى
عدد الرسائل : 2781
الاوسمة :
السٌّمعَة : 28
تاريخ التسجيل : 25/01/2008

الرجوع الى أعلى الصفحة اذهب الى الأسفل

default رد: الكنترول

مُساهمة من طرف shabanah2007 في الإثنين مارس 29, 2010 5:45 am

[quote][b]العسكر ، وهي في محافظة الزرقاء وتنتهي قبل الضليلمن حُسن الحظ ودواعي السرور أنك بيننا ، أما الآسماء التي ذكرتها (خوّ وحمره حمد) فلا يعرفها إلا سعدت بك وبحروفك أنابيل

[b]صالح صلاح شبانة
avatar
shabanah2007
عضو قيادي

ذكر
عدد الرسائل : 114
العمر : 64
المزاج : عالي والحمد لله
السٌّمعَة : 65
تاريخ التسجيل : 13/01/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى