دولة عرب نت

غميزة زلام

اذهب الى الأسفل

حوار غميزة زلام

مُساهمة من طرف aboezra في الأربعاء ديسمبر 03, 2008 3:31 pm

قصه كتبتها بلهجة أهل الجليل أتمنى أن تعجبكم


قبل شي خمسه وثلاثين سنه إشترى أبوي تلفزيون
وانتشر الخبر مثل النار في الهشيم
أبو حاتم إشترى صندوق بعيشوا فيو أقزام
وكل ليله كانوا يتجمعوا كل أهل الحاره من صغيرهن لكبيرهن يتفرجوا على هالعجيبه ونتجمع كلنا في ساحة البيت
وكلكوا بتعرفوا إنه كان البث يبدا الساعه سته كان يدير أبوي على محطة المملكه الأردنيه الهاشميه
وهناك كانت مطربه للي ما بعرفها إسمها سميره توفيق بتغني بداوي وهي حلوه زي القمر .
وكانت طول الوقت تغني وتغمز بعينها .
ما كان يظل مكان نقعد فيو أنا واخوتي, كان في سلم جنب الحيط نطلع على درجاته ونقعد نضحك .
على الطوشه الي كانت تصير كل يوم بين ختيارية العيله.
وكل ليله يتقاتلوا ختيارين الأول يقول إنه سميره توفيق وقعت في غرامه وتطلعت عليه وغمزته.
ييجي الثاني يقلو كذاب في نص عينك سميره غمزتني إلي لو بدها تغمزك كانت إتطلعت وين انت قاعد .!!
كل ليله نفس القصه وأنا وأخوتي وولاد الحاره نربح شغلتين نتفرج على التلفزيون ونتفرج على طوشه.
وخذ يا ضحك حتى مره وصلت بيناتهن للضرب بالكراسي وأبوي يشرحلهن إنو المطرب بتصور وهو يتطلع عالكاميرا وهيك ببين كإنو عم يتطلع عليهن وإنها سميره ما بتغمزهم.
ولا حياة لمن تنادي في الآخر إتهموا أبوي أنو محسود لإنها سميره ما بتغمزوا إلو .
ويوم قرروا إنهن يجيبوا إمام البلد الشيخ لكبير وقرروا إنه شو ما يحكم مقبول عالجميع.
وكان طقس من الطقوس المهيبه حضر الشيخ وقعد في صدر الديوان يفتل شواربه .
وحاسس إنه في مهمه مهمه جدا كإنو فيها حياه أو موت وكل الموجودين يستنوا
حتى ظهرت ست الحسن والدلال وصارت تغني .
"بالله تصبوا هالقهوه وزيدوها هيل
واسقوها للنشاما عظهور الخيل "
ويا السامعين إرموا الإبره بترن من كثر الهدوء وأنا عم براقب إمام الحاره والأخ صار وجهو يضوي إحمر وإصفر ويا جماعه جاهده العرق وحسيت كإنه الدخان راح يطلع من ذنيه.
وفجأه وقف بعصبيه مسح عرقوا وفتل شواربو وحمل طرف قنبازه بأيدو وخذ يا ركض وهو يصرخ
ولك يا أبو حاتم إلحق مش عليهن إلحق عليك الي بتفوت هيك وحده على بيتك
ويتطلع على التلفزيون ويصوت على سميره توفيق ( ولك وصلت معك تغمزيني أنا شيخ متدين بتقي الله )
ولكوا يا جماعه هاي غميزة زلام ما حدا يأمنلها بعد اليوم ....
ومن كثر مضحكت أنا وإخوتي وقعت عن السلم وتكعفلت ألله وكيلكوا
وإنجرح جبيني وساح دمي وما حدا إنتبهلي وأنا أبكي من الوجع فكروني عم بضحك .

_________________
إذا لم تستطع أن تحب من آذاك فلا تكرهه ..

لأن بالكره تتولد الأنانية و الأنانية تولد الحسد و الحسد يولد البغضاء ،

و البغضاء تولد الاختلاف و الاختلاف يولد الفرقة ، و الفرقة تولد الضعف ،
و الضعف يولد الذل و الذل يولد زوال النعمة و زوال النعمة يولد هلاك الأمة
avatar
aboezra
المدير العام
المدير العام

ذكر
عدد الرسائل : 2933
العمر : 66
المزاج : معتدل
الاوسمة :
السٌّمعَة : 6
تاريخ التسجيل : 28/06/2008

الرجوع الى أعلى الصفحة اذهب الى الأسفل

حوار رد: غميزة زلام

مُساهمة من طرف انابيل في الخميس فبراير 26, 2009 9:53 am


_________________
نجمة المنتدي المميزة

بلادُ العُربِ أوطاني منَ الشّـامِ لبغدانِ
ومن نجدٍ إلى يَمَـنٍ إلى مِصـرَ فتطوانِ

فـلا حـدٌّ يباعدُنا ولا ديـنٌ يفـرّقنا
لسان الضَّادِ يجمعُنا بغـسَّانٍ وعـدنانِ

لنا مدنيّةُ سَـلفَـتْ سنُحييها وإنْ دُثرَتْ
ولو في وجهنا وقفتْ دهاةُ الإنسِ و الجانِ

فهبوا يا بني قومي إلى العـلياءِ بالعلمِ
و غنوا يا بني أمّي بلادُ العُربِ أوطاني
avatar
انابيل
Admin

انثى
عدد الرسائل : 2781
الاوسمة :
السٌّمعَة : 28
تاريخ التسجيل : 25/01/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى